Осиё кубоги-2015 мусобақасининг илк саралаш учрашуви ниҳоясига етди.
 Қизиқарли кечган баҳсда 0:0 ҳисоби қайд этилди. Айтиш керакки, ўйин тўлалигича Ўзбекистон термасининг устунлиги остида ўтди. Бир неча маротаба бизнинг футболчиларда дарвозани ишғол қилиш учун имкониятлар содир этилди. Аммо, тўп дарвоза тўрига тушишни истамади. 10та бўлиб қолган гонконглик футболчилар жарима майдончалари олдида "ётиб" олиб, муҳим дуранг ҳисобини таъминлаб беришди. Осиё кубоги-2015 сарлаши. "Е" гуруҳи Ўзбекистон - Гонконг — 0:0. Меҳмонлар мураббийидан сўнг матбуот анжумани бўладиган залга терма жамоамиз бош мураббийи Миржалол Қосимов кириб келди. - Бу жамоани ютишимиз керак эди. Лекмин дуранг ўйниб қўйдик. Ўзимиз айбдормиз. Биринчи бўлимда кўп хатоларга йўл қўйдик. Вазиятлардан унумли фойдалана олмадик. Бундай ўйинларда учрашгув тақдирини битта гол ҳал қилади. Биз буни уддасидан чиқа олмадик. Лекин болаларга эътирозим йўқ. Бу ўйин бизга хатолар устида ишлашга ёрдам беради. - Терма жамоамиз "февраль синдроми”дан қачон чиқиб кетади, деб ўйлаймиз? - Агар куз-баҳор тизимига ўтсак, шунда бу синдромдан чиқиб кетамиз деб ўйлайман. Йигитлар жисмонан 100 фоиз тайёр бўлишмайди. Шунинг учун ҳам шундай натижалар бўлади. - Ўйиндан сўнг кийим алмаштириш хонасига Мирабро Усмонов кириб кетаётганларига кўзим тушди. У киши кириб йигитларга ва мураббийларга нима дедилар? - Улар йигитларга омад тиладилар. Футболда гол урмасанг натижага эриша олмайсан. Шундай бўлса ҳам футболчиларни қўллаб-қувватлаб, 26 мартдаги ўйинга омад тиладилар. - Бугунги ўйин терма жамоанинг кейинги режаларига ўзгартириш киритиб юбормайдими? - Йўқ, ўзгартириш киритмайди. Режалар аввалгидек қолади. Мен бошида ҳам айтгандим, йилнинг бошидаги бу каби расмий мақомга эга ўйинлар терма жамоа учун жуда ҳам фойдали. - Бугун ҳужумчилар суст ҳаракат қилдилар. Кейинчалик таркибга янги футболчилар жалб қилинадими? - Бундай ўйинлардаги хатолардан тўғри хулоса чиқариб олиш керак бўлади. - Футболчиларда рақибни менсимаслик ҳолати бўлмадими? - Йўқ, агар хотиржамликка берилганимизда, юриб ўйнаган бўлардик. Бугун футболчилар жидиий ҳаракат қилишди. - Бундай кутилмаган дурангдан сўнг мухлисларда терма жамоага нисбатан эътироз пайдо бўлади. Гонконг термаси 10-дақиқадан сўнг терма жамоамизнинг ўйин услубини ўқиб олиши. Кейинги ўйинларда ранг-баранг ҳужум тактикаларидан фойдаланишга ҳаракат қилинадими? - Бу ўйинга ҳамма футболчилар ҳар хил жисмоний ҳолатда келишди. Масалан, Жепаров клубида ўйин амалиётига эгаэмас. Мен истардимки, термадаги ҳамма футболчилар ўз клубларида ўйин амалиётига эга бўлишса яхши бўларди. Мен ишонтириб айтаманки, бугун урилмаган голларни 26 март куни Ливан дарвозасига киритамиз. - Бақоев ва Бикмаев қачонгача ҳужумда ўйнашади? - Агар Бақоев бугун гол урганида бундай демаган бўлардингиз. Футболчилар ҳам, мен ҳам ўзимизга душман эмас. Худо хоҳласа Жаҳон чемпионатига ўша Бақоев билан ҳам борамиз. | |
| Просмотров: 1241 marta |
| Barcha izoxlar: 0 ta | |