Боиси, Шодмонов феврал ойининг бошларида ўзининг навбатдаги "Қудамни кўрмадингизми?” номли  янги фильмини томошабинлар эътиборига ҳавола этмоқчи. Мазкур фильм фантастик комедия жанрида эканлигини эшитиб очиғи хурсанд бўлдик. Ва, ниҳоят бизнинг режиссёрларимиз ҳам бир хил қолипдан четга чиқиб янгилик қилишга урунишаётгани таҳсинга сазовор. Ҳа айтганча, тез кунларда экран юзини кўриши кутилаётган ушбу фильм Шодмоновнинг ўнинчи кинофильми ҳисобланади. Фильмда актёрлардан Мурод Ражабов, Саида Раметова, Муҳаммадисо Абдулхаиров, Хосият Ҳусанова, Зарина Низомиддинова, Умид Искандаров ва кўплаб актёрларни кўришимиз мумкин. Фильм "Обод турмуш йили”га бағишланган бўлиб, унда қудаларнинг тўйгача ва тўйдан кейинги баъзи машмашалари акс эттирилган.