Ҳинд кинематографиясининг 100 йиллиги муносабати билан Тошкентда Ҳинд киноси фестивали ўтказилади. Бу ҳақда Ҳиндистоннинг Ўзбекистондаги элчиси Анумула Гитеш Сарма маълум қилган.

Унинг айтишича, ўзбек мусиқий гуруҳларидан бири яқинда Деҳли атрофида ўтказиладиган Суражкунд Мела халқаро фестивалида иштирок этади. Элчи Ҳиндистон ва Ўзбекистон ўртасида маданий алоқалардан ташқари, илм-фан, савдо, ахборот технологиялари, нефть-газ, таълим, қишлоқ хўжалиги, тиббиёт ва фармацевтика соҳларида ўзаро алоқалар ривожланиб бораётганини таъкидлаб ўтди, деб ёзади CA-News сайти.